ഇന്ന് ഞായറാഴ്ച,കഴിഞ്ഞ ഒരാഴ്ച തന്ന ക്ഷീണം ഇന്ന് തീര്‍ക്കാം എന്ന് കരുതി കിടക്കുമ്പോളാണ് അവന്‍ വിളിച്ചത്,ചെറിയ ഒരു പ്രോഗ്രാം ഉണ്ട് ഒന്ന് കൂടെ ചെല്ലാമോ എന്ന്.എങ്ങോട്ടാണ് എന്ന് ചോദിച്ചപ്പോള്‍ അവനൊന്നും പറഞ്ഞില്ല, എന്തോ ഒരു രഹസ്യ സ്വഭാവം കാണിക്കുന്നു. എന്താ ചെയ്യാ കൂട്ടുകരനായില്ലേ പോയേക്കാം എന്ന് കരുതി ഇറങ്ങിയതാ.ഇപ്പോള്‍ യാത്ര തുടങ്ങി ഒരു മണിക്കൂര്‍ കഴിഞ്ഞു ഇനിയും എവിടെയും എത്തിയില്ല, എന്താ ഇവന്റെ ഉദ്ദേശം എന്ന് മനസ്സിലാവണില്ലല്ലോ തമ്പുരാനെ !
അങ്ങനെ അവസാനം ഒരു വീടെത്തി,എവിടെയോ കണ്ടു മറന്ന ഒരു വീട് . പടിപ്പുര കടന്നു ഞങ്ങള്‍ അകത്തെത്തി.
ഈ തുളസിത്തറയും ആമ്പല്‍ കുളവും എല്ലാം ഞാന്‍ ഇന്നലെ കണ്ട പോലെ തന്നെ ,പക്ഷെ മനസ്സാകെ മൂടിയിരിക്കുന്നു. സത്യത്തില്‍ എന്റെ കൂടെ ഉള്ളത് എന്റെ കൂട്ടുകാരന്‍ തന്നെയാണോ, ഞാന്‍ ഒന്ന് തിരിഞ്ഞു നോക്കി പക്ഷെ അങ്ങനെ ഒരാള്‍ അപ്പോളവിടെ ഉണ്ടായിരുന്നില്ല.അതോടെ പേടി തുടങ്ങി,ഇനി മുന്നോട്ടു അതോ പിന്നിലേക്കോ എന്ന ഒരു സംശയം.ഭയത്തോടെയാണെങ്കിലും ഞാന്‍ മുന്നോട്ടു തന്നെ നീങ്ങി.പെട്ടെന്ന് എന്നെ ആരോ ആ കുളത്തിലേക്ക്‌ വലിച്ചിട്ടു.
കുറച്ചധികം വെള്ളം കുടിച്ചെങ്കിലും ഒരു വിധം ഞാന്‍ കുളത്തില്‍ നിന്നും എണീറ്റു,ചുറ്റും തിരിഞ്ഞു നോക്കിയപ്പോള്‍ നേരം പുലരുന്നേ ഉള്ളു, ഈശ്വരാ വെളുപ്പാന്‍ കാലത്ത് കാണുന്ന സ്വപ്നം ഫലിക്കും എന്ന് മുത്തശ്ശി പറഞ്ഞു കേട്ടിട്ടുണ്ട്.രാമ നാമം ജപിച്ചു ഒന്നൂടെ ഉറങ്ങാം അല്ലാതെ പുലരുന്നതിനു മുമ്പ് എണീറ്റെന്തു ചെയ്യാനാ!
രാമാ ഇനി ഇത്തരത്തില്‍ ഒന്നും കാണിച്ചു പേടിപ്പിക്കല്ലേ!
രാമ രാമ രാമ രാമ പാഹിമാം ........
No comments:
Post a Comment