മാവേലി നാട് വാണീടും കാലം മാനുഷരെല്ലാരും ഒന്ന് പോലെ.....!!!!!!!!
ഇത് മനോഹരമായ ഓര്‍മ്മ മാത്രമായി മാറിയിരിക്കുന്നു.കാണം വിറ്റും ഓണം ഉണ്ണാന്‍ കയ്യില്‍ ഒന്നുമില്ലാത്ത എത്രയോ പാവങ്ങള്‍ തെരുവില്‍ നടക്കുമ്പോള്‍ എവിടെയാണ് മാനുഷരെല്ലാം ഒന്ന് പോലെയകുന്നെ...ഒരു നേരത്തെ അന്നത്തിനു വേണ്ടി എല്ല് മുറിയെ പണിയെടുക്കുന്ന എത്രയോ ബാല്യങ്ങള്‍ നമുക്കിടയില്‍ ഇന്നുമുണ്ട്. അതിനിടയിലേക്ക് മാവേലി വന്നു പോകുന്നുണ്ടെങ്കില്‍ ഉറപ്പ് അദ്ദേഹത്തിന് മാനസികമായി ഒരുപാടു ഒരുങ്ങേണ്ടിയിരിക്കുന്നു.
കേരളം, ദൈവത്തിന്‍റെ സ്വന്തം നാട് .
മാവേലി നാട് വാണിരുന്ന പുണ്യ നാട്,ഇന്നും വര്‍ഷത്തിലൊരിക്കല്‍ നമ്മുടെ നാട് കാണാന്‍ അദ്ദേഹം വരുന്നു എന്ന് ഐതീഹ്യം. തമ്പുരാനേ സത്യം പറയാം അങ്ങനെയൊരു വരവിനു യാതൊരു വിധ സാധ്യതയും ഞാന്‍ കാണുന്നില്ല.മറ്റൊന്നും കൊണ്ടല്ല കഴിഇഞ്ഞ തവണ വന്നു പോയ മാവേലി തമ്പുരാന്‍ ഇനിയും ബ്ലോക്ക്‌ കഴിഞ്ഞു പാതാളത്തില്‍ തിരിചെത്തിയിട്ടുണ്ടാവില്ല, അത്ര മനോഹരമായ രാജപതയാണ് അദ്ദേഹത്തിന് കേരളത്തില്‍ കാണാന്‍ കിട്ടുക. ഇനി അഥവാ ഇതെല്ലം താണ്ടി ഈ നാട്ടിലെത്തിയാല്‍ അദ്ദേഹത്തിന് കാണേണ്ടി വരിക കയ്യില്ലാത്ത അധ്യാപകരെയും നാട് മുഴുവന്‍ പ്രതിരോധ സന്നദ്ധരായ പോലീസിനെയുമാണ്.മറ്റൊന്നും കൊണ്ടല്ല നമ്മുടെ നാടിനും ഉണ്ട് ഇക്കൊല്ലം ആക്രമണ ഭീഷണി.
ഇന്ത്യ,വളരെ വേഗം വികസന പാതയിലൂടെ മുന്നേറുന്നു ,എന്നാല്‍ മുകളില്‍ പറഞ്ഞത് പോലെ ഇന്നും ബാലവേല നിലനില്‍ക്കുന്ന ഈ രാജ്യത്തു എന്ത് വികസനമാണ് നടക്കുന്നത്.അവരുടെ ഉന്നമനം കാണാത്ത എന്ത് വികസനത്തിനാണ് അര്‍ത്ഥമുള്ളത് ? ഇങ്ങനെയുള്ള രാജ്യത്തു ഒന്നും ചെയ്യാതെ തമ്മില്‍ തല്ലാന്‍ വേണ്ടി മാത്രം ജനങ്ങള്‍ തിരഞ്ഞെടുത്തു സഭയിലെക്കയക്കുന്ന ജനപ്രതിനിധികള്‍ നമുക്ക് വേണ്ടി ഒന്നും ചെയ്യാന്‍ ഒരുമിക്കുന്നില്ല എങ്കിലും അവരുടെ കാര്യത്തിനെങ്കിലും ഒന്നിച്ചു നില്‍ക്കുന്നു എന്നത് സമാധാനം നല്‍കുന്ന ഒരു കാര്യമാണ് (അതിനെങ്കിലും !). ഒരു പണിയും ചെയ്യാതെ സഭ ചേരുന്ന ദിവസങ്ങളില്‍ അവിടിരുന്നു ഉറങ്ങുവാനും,അനാവശ്യമായ തര്‍ക്കങ്ങള്‍ക്കും കയ്യങ്കളിക്കും മാത്രം സമയം കണ്ടെത്തുന്ന നമ്മുടെ സ്വന്തം എം പിമാര്‍ അവര്‍ക്ക് കിട്ടുന്ന പതിനാറായിരം രൂപ 81000 രൂപയാക്കി ഉയര്‍ത്തണമെന്ന് പറഞ്ഞു കഴിഞ്ഞ 2 ദിവസമായി നടത്തിയ പ്രകടനങ്ങള്‍ നമ്മള്‍ കണ്ടതാണ്.ഇതിന്റെ പത്തിലൊന്ന് ആവേശം കാണിച്ചിരുന്നെങ്കില്‍ പല നല്ല പദ്ധതികളും പണ്ടേ ഇന്ത്യയില്‍ നടന്നേനെ.
എന്തായാലും മാവേലി തമ്പുരാനും എല്ലാ ജനങ്ങള്‍ക്കും എന്‍റെ ഹൃദയം നിറഞ്ഞ ഓണാശംസകള്‍.................
